Cotton Vitelius A XV

Marvels of the East


On sumon lande assan beoð akende þa habbað swa micle hornas swa oxan. Þa syndon on ðam mæstan westene þæt is on ða suð healfe fram . Þa bugað to þære , for ðæra næddrena mænigeo þe in ðam stowum beoð þa hattan . Ða habbað swa micle hornas swa weðeras. Gyf hi hwylcne monn sleað oððe æthrinað þonne swylt he sona. On ðam londum byð genihtsumnys. Þone pipor þa næddran healdað on hyra geornfulnysse. Ðone pipor mon swa nimeð þæt mon þa stowe mid fyre onæleð 7 þonne ða næddran of dune on eorðan þæt hi fleoð; forðan se pipor byð sweart. Fram þa burh ðær se pipor weaxet is þæs læssan milgetæles þe hatte eahta hund mila. Of þam is geteald þæs miclan milgetæles þe hatte syx hund 7 d.III. 7 .XX. 7 .I. healf mil. Seo stow is unwæstmberendlicu for þæra næddrena menigeo.